2012

看了2012
很一般
也是賣弄電腦效果
太長了，中段有些睡意
3粒星

風聲

沒有想像中那麼恐佈

排局沒有冷場，可以說一點也不覺到尾聲

結局有一點的令人意想不到

是一套值得入場看的電影

4粒星

D-9異形禁區

一套近十年最惡頂的一套戲，比「鯊海」近甚!!!!!!!!!!!!!!!!!
全場handheld，想死，半個鐘已經想走。
最後睇左114分鐘……
0.5粒星

意外

一套可以更加好的電影

可惜的是後部份的故事性太弱
令人有點等佢收尾的感覺
要評分
前段3粒半
後段2粒
總評2.5粒
可以說如果閒時租碟回家也回以

X-FILES: I WANT TO BELIEVE

看了很多年再沒有得收看的X-FILES，不過是電影版。
對於一個X-FANS來說，是必定要入場看的，當然，也必會說好看。
因為實在很久沒有看到MULDER及SCULLY了。

以故事來說，並不是外星人的話題了。
可以說是超自然的事件罷了，也可以說是兩小時的電視版。
沒有強勁的電影畫面或製作，就只是滿足FANS的心願。

男女主角明顯的老了，不過仍是很有味道的組合。
最興奮的是突然看到SKINNER的出現，然後戲院中有起哄聲。(沒有看過以前的X-FILES一定不會有此反應)

NEVER GIVE UP是今套戲的主對白。
令我有一個期望，是X-FILES再繼續下去。
唔知SMOKING MAN仲有冇機會出場呢？
哈哈。

投名狀

三個男人，由起初患難與共，成為結拜兄弟，最後卻因方向不同而走向悲慘的結局。
大哥(李連杰)，有能力卻不懂官場事，起初結拜可能因為情義，後來卻因為仕途而放棄兄弟。
二哥(劉德華)，由一個山匪阿頭，為了一班山民的食糧而決定投向朝廷。有義氣有勇氣卻沒有戰場的智慧。雖然不認同大哥，卻沒有因此而出賣兄弟，更加知道大哥有危險而去拯救，結果卻被出賣致死。
三哥(金城武)，一個單純的小伙子。非常重視投名狀，對兩個大哥都很尊重。以為大哥因二嫂而殺二哥，便以「亂我兄弟者，必殺之」殺掉以救二哥。最後因為二哥的死，也冒死去殺大哥。

電影沒有冷場，也沒有多餘的部份，場面不用說也震撼。
其實所謂的兄弟，是否需要有投名狀？是否真的永遠也道路相同？

評分︰90分(絕對要入場看)

不能說的秘密

一套比我想像中好很多的電影，可以說是近來有感動位的愛情片。
除左有一些典型愛情片的指定動作，還有女孩子最喜歡的男子鋼琴演出。
已經殺了唔少女仔……
而我，其實最喜歡個故事有d創意，真係唔到後尾都估唔到原來係咁樣。
我不在這裡交代，因為大家一早知道再去睇就唔好睇的了。
唯一覺得敗筆的，是結尾有點畫蛇添足，太刻意去埋尾。

總括來說，我俾85分(值得重看)

鐵三角

天在算 地在轉 人在戰



一間酒吧，三個落魄人，無數怨氣話。
寶山(任達華 飾)、彭輝(古天樂 飾)和莫中原(孫紅雷 飾)三位飽受社會、家庭及經濟壓力的好友，在酒酣耳熱中商議大計，要改變可惡的現狀，只有錢！神秘老人出現留下線索。為三人帶來一次尋寶奇遇！
莫破解老人留下的密碼，寶藏就在立法局的地底。三人出發，找出寶藏。滿以為發財在望之際，便衣探員正文(林家棟 飾)追捕而至。一連串怪事接踵而來！神秘老人的死在新聞報導中發放，輝受大圈佬威脅參與銀行打劫行動。 莫與輝雖懷疑寶藏背後埋著不可告人秘密，但為了錢，三人決定冒生命危險，儘快出貨！
因為三人得來的之物是一具身披純金外衣的史前古屍 -- 無價國寶！


看完，覺得沒有想像中的好。
電影吸引人的地方是由三位知名導演合作︰徐克, 林嶺東, 杜琪峰。
當然並不是普通的合作，而是把電影分成三部份，每人負責約半小時，第一位拍完到第二位，再到第三位。後面的要等前面的導演拍完才諗點樣接同拍，各有各的風格。
入場時不知道他們的先後次序，但因為實在看太多杜生的作品，一看就知佢負責邊部份。當然，個人也比較喜歡他的部份。
咁樣拍出來，可以話冇風格，因為好似欠左一些故事性，有些地方也太刻意去接番個故事。
作為一個愛看男性電影(當然不是指色情啦)的觀眾，這套片是值得一看。

今次最經典和喜愛的對白，是馬尾哥的一句(唔知邊個？即係唔係FANS)︰
拎幾枝野駛唔駛咁多人呀？

分數︰75 (值得以非優惠票入場看)

<兄弟>

今晚看完了<兄弟>

先談一談內容，故事的背景當然是黑社會，都係一些爭來爭去，殺來殺去的故事。

並不是十分新鮮，圍繞住的都是所謂的社團兄弟都係信唔過，甚至可能連親生兄弟都信唔過。
而故事發生到最後總會有一些人係真真正正的兄弟。

講到呢度，可能大家都覺得普通左d。

四虎真係今時不同往日，湯鎮業當年做<鹿鼎記>入面吳應熊，真係到宜家仲係二打六。

郭靖或喬峰的黃日華都真係殘晒，一d都型唔番。

至於三哥，比較穩陣，係多左少少魚尾紋。
劉德華都唔講太多，佢絕對係keep得最好的一個，只係嫌場數太少少……

講一講導演，其實我唔知係乜水因為我太膚淺。

我覺得有d廣告位實在太刻意……

總括來說

分數︰7/10 (有時間可以入場，唔係十分鍾意d演員可以買vcd，睇vcd都值的)

戲中金句︰

呢張椅除左姓譚的人之外，冇人可以坐，亦都冇人夠膽坐。

最後，送主題曲MV俾大家。

危。戒

看完了「色。戒」，不算得上必定要看的電影，不過是值得入場看的。

大家一定會問情慾戲好唔好睇，講真，要睇可以買4仔睇，唔好諗住為o個幾場。
當然，那幾場係幾激的，不過有冇需要露咁多呢就真係各有各理。
成套戲，最討厭唔係梁朝偉，而係王力宏(入面的角色)，真係想講粗口。

分數︰80分(有10分係情慾)

生日快樂

我覺得呢一套戲唔算係好好睇，又或者好感人。
不過，亦係值得去一睇的電影。
劉若英的表現我覺得非常好，有好多位佢都交晒感情，特別係佢受到古天樂通知佢要結婚的一幕。

從一段好像離離合合，似遠還近的感情，由沒有人睇好，去到大家都睇好，最後又唔係一齊，真係好特別。好多年的感情，即使好似唔係一齊，其實又真係好近。劉若英的陰影，以古天樂作為一個「好好朋友」，真係做到最好了。大事係佢身邊，小事又記得，連屋企人都照顧晒，真係點會唔放心。

如果有另一半，都係要入場睇睇。是近期少有的愛情片。如果有睇過的，可以欣賞個MV。