上網

PCCW續了上網合約

價錢平了

換埋WIFI MODEM

仲有無限上網手指送

宜家用NOTEBOOK唔駛再拉線

方便

復出

一年多沒有寫網誌

今天放假，

突然心癢癢的想寫下

唔知今次又可以維持幾耐……

2008

新一年了。
所謂舊事已過，都變成新的了。
大家無論在往年有過快樂或悲傷的時間，都應該收拾心情去面對新一年的挑戰。
忘記背後，努力面前，向著標杆直跑。
2008年，大家首先一定想奧運，其次就係歐國盃。
這兩項大型賽事都令人期待，更一定成為彼此茶餘飯後的話題。
股市樓市，大眾市民必定更加關注，現在全民皆股，樓市又不停升，回上97的時間，08年真係唔知會點。自私d諗，當然希望跌一跌啦。
08對我這些沒有大志的人來說，真的沒有甚麼大計。老土一些，只要身體健康，有工開夠錢用都已經好滿足。
新一年，願主恩常與大家同在！

女友︰今年升職加人工，搵得多過我！

四大才子~
大哥︰新一年在教會、學校、民民都上位！
肥sam︰早日成家立室，公司搵多d！
老mark︰快d考到車牌，部車又駕得順利！

男人購物情意結

昨天以一千元買了一個電鬚刨及levis老牛。

女友似乎有些驚訝我會在一天內用這麼多錢，因為平日的我甚少駛錢。
當然，前排買的相機及電話都唔止呢個價……
男人駛錢同女人有時都唔係好同，大家的睇法係唔一樣的。
女人，買的野多數睇款，睇牌子，可能件野係唔值呢個價，都會想買。
男人，睇實用，價錢如果俾得起會買樣好d既。
所以，我成日都會覺得，女人買野買得多，成日買。不過金額相比男人，可能男人買一樣野都已經平手。

至於我，其實都唔多買野，或者咁講，唔會俾自己衝動買野，因為咁會安全一點，好多野當諗諗下就會冇左意慾再去買。
當真係有需要，我就會肯俾多少少錢(如果係值的)。特別是現在，因為以前唔夠錢駛，次次都係搵便野買，所以宜家手頭唔太緊都想對對自己好一點。
呢一個現象，如果你去信和及皆旺等商場，你就會好清楚。一個二個大男人，係度買玩具機械人，價錢貴一貴都買，因為以前小童冇得買缺乏營養，現在就要補足番。
呢d，就係男人ge世界。

眼火爆

有時候面對一些院友的屋企人，真係火都來。
話說有個新入住院友，個屋企人話要俾個院友行，可唔可以借個架。
其實佢個態度都唔係咁好，不過我都好客氣咁答佢要等我評估完先決定。
之後佢又唔係咁客氣問我幾時會睇，其實我最憎人地唔客氣，咁巴閉唔好等搵個私人治療師上來做我好歡迎。
當然，我最後覆左佢某個時間後去睇。
之後又問我會唔會安排每天運動，我開始唔好脾氣，我話一定唔會日日有，要安排，成院120個人，我日日都做唔晒，一定要排，如果你有工人可以叫佢來，我教佢。
講真，去醫院做一次都$60，日日做一個月都成$1800，收你二千元包埋食同住咪好正。
不如幫你排埋隊飲茶啦！
有時候我最討厭D家人將個老人家安排入老人院，就好似覺得自己唔駛負責，乜都叫間院做。
最後，佢仲係我之前講GE時間過左5分鐘打來，雖然我未睇，不過佢居然以為用5分鐘可以做完評估，真係"啤"一聲。
對得多呢D人，真係覺得有病。

今年終極演唱會

劉德華２００７演唱會

絕對是今年的重頭戲
有十幾年未入場睇過佢的演唱會
我同自己講過
一係唔入場睇
一入場就要睇佢最貴的門票

今年好有機會
如果可以握到手
真係抵爆！

Chicken Curry

其實我都唔想post上來，不過真係好好笑。
都唔知邊個upload上youtube，真係衰。

大家可能唔知乜野係chicken curry，其實佢係一個人。
冇錯，一個人，叫chicken。我地平時叫curry，或者雞爺。
其實佢個英文名係唔係叫curry，我都唔記得，仲知係咁叫，而且佢都會應。
其實curry係一個好人，成日都帶歡樂俾我地。
佢仲好有文彩，當年佢一望個天，就出一句「萬里無雲」，好經典。
運動亦得，場場去盡，成件衫都充滿男人味。
口才又好，乜都可以議論，好勁。
講左咁耐，想唔想識下佢？
其實佢係片入面都有份，出現在後面。
後排有兩個人，唔係成日望住鏡頭那位，係四眼o個位至真。
認住佢，下次見到佢，記住叫聲︰Chicken Curry。

相機慾

近排又有番買相機的意慾，因為真係接受唔到前排換的禮品相機。雖然映相唔係靠機靚就得，不過部機唔掂真係好難搞。曾經諗過買部便的DSLR，可是真係唔想走入呢個黑洞，加上都唔鍾意成日拎部大鐵出街，想成日袋係袋玩下。近排，CANON出左G9，真係幾好。價錢比預期貴，可能要等佢跌下價。

舞動全城

呢排有時會睇「舞動全城」，我真係頂唔順。跳舞唔係問題，跳得好唔好都唔係問題，佢地係演員，唔係舞蹈員，所以只要唔係太樣衰都真係可以接受。最頂唔順，係乜鬼場合都跳，傾下計又跳，今晚講分手，突然又跳晒舞。真係搞 x 錯！不如跳住舞去廁所，跳住舞食早餐啦！把鬼火……

必先利其器

好耐冇打過網球，早排睇完費達拿對拿度，搞到好手痕。終於約左朋友在今晚打幾下，因為個朋友幾專業，知道我想搵拍就拎拍俾我試。
一試之下，真係明白乜野叫一分錢一分貨，打出去的感覺可以相差好遠。
佢同我講，買就買塊好d打耐d，講真，真係有d衝動，不過除非佢成日肯同我打先算。哈~~

夏日暢泳

早兩日去左海灘，真係好玩。唯一美中不足係冇咩太陽，唔可以曬黑d。
不過香港的水質真係差，垃圾又多，又唔清，好懷念布吉的海灘……今年如果學識埋蝶式，就可以開始最強200米四式！
不過，應該冇可能……哇哈哈~~~

爆笑MV

分享個爆笑mtv俾大家！

係得ge！

打工可以打到咁真係幾好，又搵到錢又可以加埋興趣。或者，我要打算一下在老人院教d老人家玩玩具，砌模型……

玩具

最近放左件大玩具，拎番少少錢都好。
起碼唔駛咁擔心，個個月仲可以買其他小玩具。
唔知以後個玩具點樣，不過都諗唔到咁遠，見步行步啦。