多謝阿ken send俾阿sam再send到俾我的message！
劉德華前晚(11月6日)在成都進行內地巡迴演唱會最後一站時，他再度發揮“華英雄”本色，勇救一名衝破保安防線欲上台送花、卻被十多名保安圍攻的男歌迷，華仔情急下從兩米高台躍下，阻止動粗事件發生，華仔被全場6萬觀眾稱讚是英雄，不過他也當眾教訓歌迷要守演唱會規矩，更笑言想不到加插了一個高難度真人表演。
http://v.youku.com/v_show/id_ca00XMTEwOTE0NDA=.html
呢d先係偶像，一個值得別人去學習的「星」。
成日都話，點解劉德華有咁多fans，點解可以成為眾多女士的結婚對象。
好簡單，唔係因為佢靚仔有錢，係因為佢有一份值得尊敬倚靠的「美」。
不過，歌迷係唔應該咁做的。
零︰我隻手~~ 貓︰嘿，投降啦！
貓︰再唔投降就取你首級，哈！
零︰我個頭……完全唔夠打……
貓︰哈哈，機動警察也不外如是！
貓︰我才是最後的勝利者！有時候面對一些院友的屋企人，真係火都來。
話說有個新入住院友，個屋企人話要俾個院友行，可唔可以借個架。
其實佢個態度都唔係咁好，不過我都好客氣咁答佢要等我評估完先決定。
之後佢又唔係咁客氣問我幾時會睇，其實我最憎人地唔客氣，咁巴閉唔好等搵個私人治療師上來做我好歡迎。
當然，我最後覆左佢某個時間後去睇。
之後又問我會唔會安排每天運動，我開始唔好脾氣，我話一定唔會日日有，要安排，成院120個人，我日日都做唔晒，一定要排，如果你有工人可以叫佢來，我教佢。
講真，去醫院做一次都$60，日日做一個月都成$1800，收你二千元包埋食同住咪好正。
不如幫你排埋隊飲茶啦！
有時候我最討厭D家人將個老人家安排入老人院，就好似覺得自己唔駛負責，乜都叫間院做。
最後，佢仲係我之前講GE時間過左5分鐘打來，雖然我未睇，不過佢居然以為用5分鐘可以做完評估，真係"啤"一聲。
對得多呢D人，真係覺得有病。
10月26是我的生晨，哈哈！
年年都要拎呢日假，過返個relax的一天！
睡到夠先起身，太耐冇唱k，趁平日當然同女朋友去唱個夠啦。
平時k lunch得兩個鐘，今日因為冇咩人，唱夠三個鐘。
如果唔係我地埋單，真係可以一直唱，勁過開演唱會！
之後去左一個好好玩的地方，$10玩兩個鐘，就係歷史博物館。
一樣，如果唔係佢要關館，真係可以玩好耐。
好多野睇，好多野玩。如果情侶想搵平的節目，呢個館絕對要去。
有d咩睇？我俾d相大家睇下啦！
乜乜忌廉青口
東東意粉
西西芝士飯
心太軟
為了迎接劉德華演唱會，我打算定期post一些他近年的一些作品
當然，是我喜歡的作品，如果好聽就拍個掌啦！
繼上次的「冰雨」，今次我介紹另一首好聽歌曲
「結婚進行曲」
我願意 為了你 披上白紗衣
我願意 為了你 走在紅毯裡
我願為你 唱出一首 愛的戀曲
我願為你 造起一座 愛的屋頂
為你擋風遮雨 聊天泡茶下棋
只願今生有你
走在紅毯裡 被上白紗衣
你是我這一生中最美的約定
約了和你一起數星星
定了和你的每個天明
走在祝福裡 鐘聲又響起
你是我這一生中最美的決定
說好把幸福全給你
未來每個日子裡
我會更愛你
其實我都唔想post上來，不過真係好好笑。
都唔知邊個upload上youtube，真係衰。
大家可能唔知乜野係chicken curry，其實佢係一個人。
冇錯，一個人，叫chicken。我地平時叫curry，或者雞爺。
其實佢個英文名係唔係叫curry，我都唔記得，仲知係咁叫，而且佢都會應。
其實curry係一個好人，成日都帶歡樂俾我地。
佢仲好有文彩，當年佢一望個天，就出一句「萬里無雲」，好經典。
運動亦得，場場去盡，成件衫都充滿男人味。
口才又好，乜都可以議論，好勁。
講左咁耐，想唔想識下佢？
其實佢係片入面都有份，出現在後面。
後排有兩個人，唔係成日望住鏡頭那位，係四眼o個位至真。
認住佢，下次見到佢，記住叫聲︰Chicken Curry。
今日是星期一，點降我會咁得閒寫blog？
好簡單，因為放假嘛！
尋日去左幫個中學同學做兄弟，真係朝七晚十二，回到家都真係累過打場波。
當然，比起道箕同伴郎仲要送主人家返屋企都唔好講太辛苦了。
不過尋日ge伴郎真係完全唔掂，跟出跟入好唔足呀！！
昨天的run down真係好順利，主人家的plan做得好好，又搵晒專業公司佈置，我地都有時間抖下。唔係咁順利的地方(又係上帝出場的時候)，真係好快搞掂，特別係搵路。(原來map king都唔可以盡信……)
玩新郎同兄弟都唔係好難，只係想講下次大家唔好玩d遊戲要搵野"lup"頭，set左成朝的頭一野冇晒好慘ga！
有機會係呢度post d相俾大家睇睇！
今天在教會上祟拜，講員播了一個VIDEO，我覺得很感動，很想流淚。
上網搵左好耐，終於搵到俾大家睇下，唔知大家睇過未呢？
www.donghaeng.net/english/duty/duty.swf
近來有件開心事，話說早兩個幾月前有個老人家在院舍外跌倒，街坊以為係我地的院友，就同我地講。後來院長知道唔係我地院友，又見佢跌倒，便叫我出來睇下。我檢查過冇乜事，扶佢起身，因為驚佢又跌，就搵部輪椅送佢返屋企。
送入屋見佢行到好唔穩陣，問幾句再check下覺得佢似輕微中風，都係提議佢入急症室睇睇。呢兩日，社工問我o個日真係睇中，個老人家後來真係搵屋企人同佢入院，發覺係中風。亦因為咁，佢選擇入我地院舍暫住。
開心唔係因為開口中，係原來做一d唔係太大的事，人地可能因為咁而改觀。我即時想起，做基督徒真係好需要以生命影響生命，我地一些事就可以好影響別人接受上帝，比起hard sell福音可能更好。
剛做完份appraisal，有d開心，有d唔開心。唔開心，因為去唔到最高評價，唔可以加多個薪級。開心，因為我老細話我的Performance絕對係Outstanding，只係因為上到最大老細認為太快俾outstanding(入職一年)。其實我唔係好care，因為我冇懷疑自己實力(最少在老人服務上)，只係想有份俾人讚的感覺。(雖然我女友成日讚我，kee~~)
不過呢度做野都冇人同我爭，好又係咁，唔好又係咁，有乜好爭。以前就真係唔happy，做大堆野都冇得升，仲要人地以為我係老細先吹脹……我諗起一句電影對白︰我幫阿公做左好多野，我要做話事人。
近排舊公司有d事發生，講真，我都有d心涼……唉……求主寬恕……
剛看完了一本書，「牧羊少年奇幻之旅」，呢本書都擺左係書櫃好耐(扮讀書人)，間唔中都要清下。
本書係講一個牧羊人，在夢中看見一個寶藏，在這個時候，他的身邊總是出現一些及人去支持他去完成這一個夢想(書中叫做天命)。而整本書便是寫這一個少年人的整個旅程。
如果期望有好故事性的情節，我諗呢本書又冇。不過，我很喜歡書中帶出的一些訊息。
「當你真心渴望某樣東西時,整個宇宙都會聯合起來幫助你完成。」
上天給少年一個個預兆，如果少年人不去尋找，可能甚麼也沒有，即使過程中很喜有悲，不過過程中卻令少年人學到很多想像不到的東西。最奇妙的，是每一件事每一個人是上帝安排下的計劃，只要尋，便會得到。
或者上帝在我們每一個人的生命都有一個計劃，我們又有沒有去領受這使命，只要我們有回應，上帝必定會在我們實踐時為我們妥善地安排。寶藏總會給我們得到。
