大時代2007

近排個股市真係幾恐怖，都唔知有乜咁好炒，可以升到咁。
行過銀行，d師奶阿婆真係排晒隊睇機，係咁講股，聽佢地的內容仲要係玩身家咁玩。
呢個係咩時代？
宜家冇一隻股夠膽買，手揸的又唔夠膽亦唔想放。
早前諗住見高放緊d，點知一放就升到媽媽聲。
唔放的又唔去，真係明燈……
據我呢個十九流分析員睇，唔大跌都唔好入市，睇下幾時爆好過。

好戲上映

這個星期股市大跌，唔知大家有冇貨。
呢個大跌，真係等左好耐，真係薯片都未買得切就已經上晒好戲。五行跌到阿媽都唔認得，大家想入都唔好入住，我認為等佢地公報左業績先好入，如果唔係都唔會有得大升。當然，你入好多手點都可能有機會執少少，又如果你同我講係長線睇升值，咁宜家入都唔會點危險。
我覺得今次咁跌幾跌係好事，一來有d整固，之前升得真係太顛。二來就係大家可以執d便貨。以我呢個吹水小股仙睇，明天係入市的開始，如果想搏一搏，就要入，如果miss左，可能又有排先再有機會。當然，一定要嚴守止蝕位。唔對路，即刻走，轉身要快。