支持劉翔

今天上班，一直等待劉翔的比賽。
不停等，一場等一場(不停來回飯堂的電視機)……
後來因為有野要做，結果行開冇再睇……
誰知後來行過電視見到係新聞發佈會，都心知不妙，即刻問一問個院友，原來劉翔因傷退出了……

有一點的失望及愕然，因為沒有想過會這樣。看見重播的片段以及教練在發佈會的哭泣，真的很傷感。不是因為失去錦標，而是那一種的無奈，即使一直堅持到最後……

看到網上有人說劉翔應該跑埋，即使係最後，又或者係整跌晒d欄。
真他媽的！(已經好斯文了)
跑的不是你，痛的不是你。
失望的也不只是你，難道劉翔會比你好過嗎？
作為一個治療師，我明白他的情況只要一出力隻腳已經痛到死，仲有係跳完再落地的控制一刻，點頂。你叫佢跑，唔跳都未必頂到。

算啦，你地係想滿足你地，定係想人地可以好好咁保護隻腳呢？