糟塌機會

英格蘭因為輸給克羅地亞，結果入唔到歐國盃決賽週。
當大家以為以色列搞掂左俄羅斯，令英格蘭有番d運仔，點知……
呢個故事俾大家知道，機會係要自己爭取。
英國人，以為自己隊波好勁，以為自己係世界級，其實都係不外如是。
或者佢地係世界最貴的球員，卻並不代表最強的球員。

生日禮物

四大才子又聚會，為的是慶祝我同MARK仔的生日啦。
宜家要約齊人都真係好難，大家好似日日幾百萬上落咁……少少時間都好難就……

雖然唔係好多時間，不過都算難得。
今年收到一份玩具，係一套武器，不過……我未有個機械人……點拎？
唯有搵個似樣少少的拎住先。
大家下次最好搵定資料……

華英雄

多謝阿ken send俾阿sam再send到俾我的message！

劉德華前晚(11月6日)在成都進行內地巡迴演唱會最後一站時，他再度發揮“華英雄”本色，勇救一名衝破保安防線欲上台送花、卻被十多名保安圍攻的男歌迷，華仔情急下從兩米高台躍下，阻止動粗事件發生，華仔被全場6萬觀眾稱讚是英雄，不過他也當眾教訓歌迷要守演唱會規矩，更笑言想不到加插了一個高難度真人表演。
http://v.youku.com/v_show/id_ca00XMTEwOTE0NDA=.html

呢d先係偶像，一個值得別人去學習的「星」。
成日都話，點解劉德華有咁多fans，點解可以成為眾多女士的結婚對象。
好簡單，唔係因為佢靚仔有錢，係因為佢有一份值得尊敬倚靠的「美」。

不過，歌迷係唔應該咁做的。

鐵三角

天在算 地在轉 人在戰



一間酒吧，三個落魄人，無數怨氣話。
寶山(任達華 飾)、彭輝(古天樂 飾)和莫中原(孫紅雷 飾)三位飽受社會、家庭及經濟壓力的好友，在酒酣耳熱中商議大計，要改變可惡的現狀，只有錢！神秘老人出現留下線索。為三人帶來一次尋寶奇遇！
莫破解老人留下的密碼，寶藏就在立法局的地底。三人出發，找出寶藏。滿以為發財在望之際，便衣探員正文(林家棟 飾)追捕而至。一連串怪事接踵而來！神秘老人的死在新聞報導中發放，輝受大圈佬威脅參與銀行打劫行動。 莫與輝雖懷疑寶藏背後埋著不可告人秘密，但為了錢，三人決定冒生命危險，儘快出貨！
因為三人得來的之物是一具身披純金外衣的史前古屍 -- 無價國寶！


看完，覺得沒有想像中的好。
電影吸引人的地方是由三位知名導演合作︰徐克, 林嶺東, 杜琪峰。
當然並不是普通的合作，而是把電影分成三部份，每人負責約半小時，第一位拍完到第二位，再到第三位。後面的要等前面的導演拍完才諗點樣接同拍，各有各的風格。
入場時不知道他們的先後次序，但因為實在看太多杜生的作品，一看就知佢負責邊部份。當然，個人也比較喜歡他的部份。
咁樣拍出來，可以話冇風格，因為好似欠左一些故事性，有些地方也太刻意去接番個故事。
作為一個愛看男性電影(當然不是指色情啦)的觀眾，這套片是值得一看。

今次最經典和喜愛的對白，是馬尾哥的一句(唔知邊個？即係唔係FANS)︰
拎幾枝野駛唔駛咁多人呀？

分數︰75 (值得以非優惠票入場看)

山口式之「機動警察」

唔知大家有冇聽過「山口式」，如果大家有去行下玩具店，有定會在店門貼左好多寫住山口式的廣告。簡單來說，係日本一間出玩具的公司，近來佢地出左一系列的機械人，特點係一d好經典的角色。對於我呢d小時候非常欠缺呢方面「營養」的男士，簡直係中晒毒，一見正野就要即刻買。(因為仲恐怖過炒股票，一早唔買，遲d就只會愈貴……)
其中一個series就係「機動警察」，通常就買一忠一奸，之後大打！
哈哈，俾大家睇下d場景先！

零式 vs 貓頭鷹

零︰我隻手~~ 貓︰嘿，投降啦！
貓︰再唔投降就取你首級，哈！
零︰我個頭……完全唔夠打……
貓︰哈哈，機動警察也不外如是！
貓︰我才是最後的勝利者！

眼火爆

有時候面對一些院友的屋企人，真係火都來。
話說有個新入住院友，個屋企人話要俾個院友行，可唔可以借個架。
其實佢個態度都唔係咁好，不過我都好客氣咁答佢要等我評估完先決定。
之後佢又唔係咁客氣問我幾時會睇，其實我最憎人地唔客氣，咁巴閉唔好等搵個私人治療師上來做我好歡迎。
當然，我最後覆左佢某個時間後去睇。
之後又問我會唔會安排每天運動，我開始唔好脾氣，我話一定唔會日日有，要安排，成院120個人，我日日都做唔晒，一定要排，如果你有工人可以叫佢來，我教佢。
講真，去醫院做一次都$60，日日做一個月都成$1800，收你二千元包埋食同住咪好正。
不如幫你排埋隊飲茶啦！
有時候我最討厭D家人將個老人家安排入老人院，就好似覺得自己唔駛負責，乜都叫間院做。
最後，佢仲係我之前講GE時間過左5分鐘打來，雖然我未睇，不過佢居然以為用5分鐘可以做完評估，真係"啤"一聲。
對得多呢D人，真係覺得有病。